e mërkurë, janar 02, 2008

POLITIKA KA KASTRUAR FEMREN




Nga Aida Dismondy


E lexova me kureshtje esen e Fatmir Terziut, botuar në Cinemaroll, që është një revistë akademike online. Më intereson argumenti që Terziu i rezervon përdorimit të psikoanalizës Freudiane në Hollywood e në rastin konkret në filmin e Hitçkokut, Spellbound (1945). Është i drejtë argumenti i Fatmir Terziut, sa i përket njëanshmerisë së filmit duke u përqendruar veç në systemin falik (phallic) pa pasur parasysh rrethanat politike por do të shtoja dhe ato shoqërore të zhvilluara më tej në teorinë e Jung.
Njëkohesisht ka kuptim që Hitçkok fokusohet në këtë aspekt, nëse konsiderojmë se teoria e Freudit e konceptit të Edipit, e instiktit seksual ka qenë dhe vazhdon të jetë tepër influencuese. Bettelheim, p.sh. shpjegon përrallat e vëllezërve Grim thjesht nga ky aspekt falik Freudian, një shpjegim problematik.
Problem të cilin Terziu e pasqyron në analizen e tij të Spellbound. Pra, veshtrimi njëanesor i faktorëve që ndikojne në psiqikën e individit. Më vjen mire që Terziu prek dhe trajton edhe aspektin e pasqyrimit të femres në Spellbound. Nuk më çudit fakti që Konstance është kaq e dhënë pas profesionit të saj dhe paraqitet e deseksualizuar.
Ca kohë më parë bëra një studim në prezantimin e femres gjate viteve 20. Fundi i shekullit 19 dhe fillimi i shekullit 20 i krijoi mundësinë femrës për t'u diplomuar në universitet dhe për të punuar në fusha që deri më atëherë kishin qenë dominuar nga mashkulli. Ky fillim ndikoi shumë në psikologjinë e kohës pasi meshkujt u ndienë te kastruar psikologjikisht jo vetëm nga lufta por dhe nga ky visibilitet i femrës në çdo sferë.
E deseksualizuar prezantohet femra në letërsine e kësaj kohe por dhe më pas nëse ajo është e arsimuar, intelektuale dhe ka një profesion që i lejon pavarësi financiare nga mashkulli. Feminiteti i saj në vendin e punës si mjeke apo avokate ‘zhduket’.
Porse interesant është fakti qe ajo paraqitet tepër provokuese dhe seksualisht agresive nëse ajo është e paedukuar dhe e varur ose në nevojë financiare për mashkullin. Kështu dhe në rastin e Kostancës, ndonëse ngjarja zhvillohet në vitet e pas Luftës së Dytë Botërore. Fakti që Ballantine ndjehet i kastruar justifikon mendoj që Konstance gjatë orarit të punës të jetë e deseksualizuar përndryshe nuk do të arrinte të ndihmojë e balancojë Ballantine si karakter.
Në studimet e mia më intereson shumë psikoanaliza e karaktereve. Freudin e admiroj për teorinë e tij të psikoanalizës, simbolikën e endërrave dhe efektin që ngjarjet e fëmijërisë kane në psiqikën e individit.
E njëanshme por domethënëse për zhvillimin e shkencës së psikologjisë. Porse mendoj si individe në psiqikën tonë nuk ndikojnë veç experiencat e fëmijërisë por dhe rrethanat politike dhe sociale në të cilat ne jetojmë.
Sipas Terziut një rishikim i situatave politike që influencojnë marrëdhënien e karaktereve në Spellbound, nëse e kam kuptuar drejt, vërtet do të ngjallte interes në filmat e kësaj periudhe dhe ne prognozen elementare te komunikimit 'analitik' te sekseve te kundert.

****

Koment-Diskutim:

DE-KASTRIMI; DISA RRETHANA

Nga Edi Xhemo

E lexova me vemendje shkrimin e znj A. Dismondit te frymezuar nga nje shkrim i meparshem i Z. Fatmir Terziu.

Duke qene se teoria e ndaluar e Freud-it gjate sistemit komunist, u be nje mode dhe fashion per periudhen qe e pasoi, duke u futur ne programet mesimore te shkollave, me ka bere qe te jem nje nxenese e tij nga bankat e shkolles, por kjo nuk do te thote qe jam pro apo kunder.
Ne se i referohem aspektit te : kastrimit mashkullor apo femeror ne fushen profesionale, ndryshe nga ç'shkruan Aida, Freud-i ne librin e tij mbi endrrat dhe seksin eshte shprehur se :
- " femrat qe bejne karriere kane nje potencial shume te larte seksual" :
ne fakt e kemi vene re te gjithe se si ne sistemin komunist ( i cili deklaroi se ndiqte politiken e barazise : pra edhe te drejtes se barabarte per karriere e arsimim), ata dhe ato qe bene karriere pra duke u pozicionuar ne pozita shume te mira sociale e pune ishin Gruaja e .., Vajza e ..., Mbesa e ..., E Dashura e ..., pra ne te gjitha rastet : pozicioni i karrieres lidhet me Seksin. Dhe femrat me te spikatura ne nivel kolektivesh kishin te pakten nje te dashur "ne gji te kolektivit": them te pakten nje duke qene me se e mire ditur "dhelperia e dashurise" se ketyre llojeve.
- "sa me shume te beje karriere nje femer aq me shume burrezohet dhe sa me shume te beje karriere nje mashkull aq me shume feminizohet":

Nga sa me siper ndeshemi me dy perkufizime Freud-jane te Kunderta. Kjo mos paqartesi mendimesh e Freud-it eshte shembulltyra e nje keq interpretimi te mases qe i behet personit profesionist dhe ne karriere. A mos ndoshta Freud u bazua kaq shume tek mendimi i mases per keto perkufizime ? Ne se ai ishte profesionisti psik-analist perse duhej te bazohej tek masa "injorante" e cila priste prej tij ? Pikerisht kjo pyetje, pergjigja e saj dhe masat qe do te mund te merreshin ne kete rast do te mund te zgjidhnin jo vetem dilement Freud-jane por edhe manaxhimin aktual intelektual dhe politik duke filluar qe nga sistemi shkollor dhe universitar etj.

Nga ana tjeter :
A duhet nje profesionist ne karriere te jete apo jo i "kastruar":

ne se do te flasim per parimet e barazise ne pune dhe profesion e arsimim, nje intelektual nuk duhet perkufizuar nga gjinia dhe as vleresuar ne baze te saj, por nga niveli dhe cilesia e punes se tij si dhe Morali ne pune, pra ne kete kontekst : ne marredheniet e punes çdo intelektual duhet pare me ngjyrimin : Pa Gjini. Ne nje kohe qe jeta e tij private duhet te mbetet e tille per sa kohe nuk kompromenton interesat e marredhenieve te punes pra thyerjen e tyre.

Fakti i "kastrimit" te intelektualeve ne pune nuk i perket vetem atyre pasi edhe pjesa tjeter e njerezve qofshin ose jo ne karriere, do te duhej te konsideroheshin te "kastruar" per sa kohe jane ne marredhenie pune dhe sociale me "pjesen tjeter te botes".

Tjeter moment kyç te cilin me duhet ta theksoj eshte : a duhet te bertitet per intelektuale te kastruar dhe per nevojen e de-kastrimit te tyre ? Ne se po : mbetet te mire-percaktohet se ne ç'rrethana duhet bere ky de-kastrim ?
A mos femrat ne Politike duhet te praktikojne : striptizmin gjate fushatave elektorale ? Apo te mundohen te bejne paraden e Miss-it ?


Ajo qe mund te verehet eshte nje fakt tjeter : se "lufta brenda llojit" per te cilen femrat jane aq Krenare, vazhdon te aplikohet ne çdo rreth intelektual dhe shoqeror duke shkelur normat, dhe ky fenomen perben nje problem kryesor per shoqerine e sotme duke ndikuar edhe ne edukimin e femijeve, per me gjere kur te kem kohe do te dergoj nje shkrim timin.

********************************************************
Nje Sqarim:

PIKEPAMJA E FREUD-it DHE SISTEMI FALIK
Nga Aida Dismondy
E dashur Edi, faleminderit per kohen dhe komentin sa i perket komentit tim (jo frymezimit) lidhur me artikullin e Z. Terziu. E vleresoj shpjegimin. Do te shtoja, ne komentin tim nuk i referohem pikepamjes se Freudit sa i perket femres, porse i referohem sistemit falik, instiktit seksual te Freud si i perdorur nga Hitchkok ne filmin Spellbound. Konkretisht them:
" Është i drejtë argumenti i Fatmir Terziut{shenim: lutem lexoni artikullin e Terziut ne Cinemaroll}, sa i përket njëanshmerisë së filmit duke u përqendruar veç në systemin falik (phallic) pa pasur parasysh rrethanat politike por do të shtoja dheato shoqërore të zhvilluara më tej në teorinë e Jung" dhe se " ka kuptim që Hitçkok fokusohet në këtë aspekt, nëse konsiderojmë se teoria e Freudit:konceptit të Edipit, e instiktit seksual ka qenë dhe vazhdon të jetë tepër influencuese. Bettelheim, p.sh. shpjegon përrallat e vëllezërve Grim thjesht nga ky aspekt falik Freudian, një shpjegim problematik".

Them problematik jo ne aspektin pro apo kundra teorise se Freud, porse ne veprat e artit qofshin keto te artit figurativ apo letrat, ne interpretimin e karaktereve, sidomos ne veprat e fillimit te shekullit te 20 (Spellbound u xhirua ne 1945) psikoanaliza Freudiane eshte teper influencuese. Ç'ka kontribuon ne interpretimin e njeaneshem ne keto apo te ketyre veprave. Madje dhe me vone si shembull kam dhene Bruno Bettelheim, qe i shpjegon perrallat e Vellezerve Grim duke u nisur thjesht nga Psikoanaliza e Freud, pavaresisht nga zhvillimet e zbulimet e reja ne fushen e psikologjise (Bettelheim 1976 Perdorimi i Magjepsjes: Kuptimi dhe rendesia e perrallave).


DESEKSUALIZIMI I FEMRES: ASPEKTI HISTORIKO-SOCIAL

Sa i perket kastrimit ose me mire deseksualizimit te femres i referohem ne aspektin historiko-social dhe sesi ajo pasqyrohet ne letersine e viteve te pas Luftes, dhe jo ne interpretimin Freudian. Lufta e Pare Boterore terhoqi angazhimin ne mase te burrave ne front, dhe njekohesisht i krijoi mundesi gruas per te dale ne pune, jo vetem per arsye ekonomike por dhe per plotesimin e fuqise punetore. Gruaja doli nga kufijte e shtepise dhe fitoi visibilitet ne cdo sfere te ekonomise dhe te shoqerise.
Gjithashtu para Luftes se pare Boterore, gruaja, vajza fitoi te drejten per te ndjekur Universitetin, nje hap ky i papare ndonjehere ne emancipimin e femres(deri ne fundet e shekullit te 19 ajo lejohej vec te mbaronte shkollen e mesme). Ajo tashme mund te arrinte potencialin e saj intelektual por dhe ekonomik duke u punesuar ne profesione qe deri me atehere ishin mbajtur nga meshkujt. Pra, gruaja ne fillim te shekullit 20 gjendet e afirmuar si mjeke, avokate, inxhiniere, kimiste, politikane. Sfera teresisht te ruajtuara pse jo me xhelozi deri ne ate kohe nga meshkujt. Ky hap i gruas (perseri ne aspektin historiko social dhe jo Freudian)krijoi jo vetem xhelozi nga meshkujt por ata u ndjene dhe te rrezikuar nga prezenca e gruas, femres ne keto sfera.
Humbja e Luftes se Pare Boterore i dha shtyse me tej ndjenjave antagoniste karshi femres. Burrat u kthyen nga lufta te dermuar, te gjymtuar, dhe ne pamundesi per te filluar a gjetur pune.Kete situate e ndihmoi dhe kriza ekonomike e viteve te pas Luftes. Ekonomikisht dhe psikologjikisht ata ne kete kohe u ndiene te kastruar (duke u shprehur figurativisht). Me mire, per meshkujt u krijua nje situate e tensionuar psikologjike, pasi ata tashme u ndjene sikur te kishin humbur kontrollin ne shoqeri. Rezultat i ketij antagonizmi te sekseve gjen pasqyrim ne veprat artistike te kesaj kohe, letersi, artin figuarativ dhe ate te filmit horror ose triller. Te shtoj ketu dhuna kundrejt gruas u shtua, p.sh. shikoni punet e OTTO DIX te kesaj periudhe, ato jane teper te dhunshme dhe dhuna drejtohet karshi gruas. Pasqyrimi i gruas ne veprat e kesaj kohe eshte, sikur permenda ne komentin drejtuar Z. Terziu, e deseksualizuar nese ajo eshte intelektuale dhe seksualisht agresive apo provokuese nese ajo ka nevojen financiare te mashkullit. Ketu hyn dhe Kostanca ne Spellbound. Si nje film i vitit 1945, ne nje shoqeri te dale menjehere pas Luftes, me nje pacient Ballantine qe vuan nga amnesia e ndjehet i kastruar (artikulli i Terziut ne Cinemaroll) ka kuptim qe Kostanca paraqitet e deseksualizuar.
Pra, komenti im nuk ka te beje me teorine e Freudit ne teresi, as me pikepamjet e Freud sa i perket gruas, apo me pyetjet e shtruara nga ju ( pyetje qe jane me vend ) - sa i perket kastrimit shoqeror apo politik te femres apo mashkullit - por me deseksualizimin e gruas apo mashkullit ne aspektin historiko-social dhe kufizohet (ndoshta ketu lind dhe problemi) e i referohet vetem interpretimit qe Freud gjen ne film. p.sh. ne Spellbound e ne letersi si nje pergjigje apo me mire koment (jo frymezim prej) i artikullit te Z. Terziu. Ndersa pikepamja ime personale sa i perket Freud: e admiroj, atij i qendron merita per fillimin e psikologjise por njekohesisht shkoj pertej teorise se Freud dhe perkrah zhvillimet e voneshme te psikologjise pasi qysh prej kohes se tij c'ka jam e sigurt ti e di shume ka ndryshuar ne kete fushe.

Ju faleminderit per vemendjen.

Sinqerisht,

Aida Dismondy

V.O. Edi meqenese interesohesh ne Freud do te sugjeroja nje liber interesant te tij : "Qyteterimi dhe pakenaqesite me te" (Civilization and its discontent)


Serrish nga Edi Xhomo:

Tema e hapur mbi Intelektualizimin e Gruas eshte shume interesante dhe intriguese.

Une e konsideroj kete teme jo vetem per ne qe po marrim pjese aktive ne kete diskutim por edhe ne se ka te tjere qe duan te participojne diskutimi do te mund te pasurohej. Ne fillim jam ndaluar vetem mbi teorine Freud-jane duke dashur ta shkepus nga miti i saj. Une artikullin e Z. Terziu e pata lexuar dhe e gjeta interesant, por ndoshta referencimi ne teorine e Freud nga disa nuk eshte i duhuri per te plotesuar shpjegimin e vertete te ketij problemi.
Ne fakt intelektualizimi dhe liria e gruas gjejne nje "Pengese"&Favor ne principet e shenjta.
Formimi psikik i cili natyrisht eshte baze e formimit intelektual qofte tek femrat edhe tek meshkujt ka bazat "biblike" ku femra ne konceptin "klasik" te saj eshte ajo pjesa e brinjes se mashkullit qe u blatua nga Zoti, per t'i sherbyer ketij te fundit. Historia ka treguar ne rrjedhen e saj te mepareshme se fillimi i shek.XX, per femra intelektuale te cilat natyrisht ishin shume me te pakta dhe qe i perkisnin ose klasave te pasura (dhe qe ne kete rast Nuk kishin pasuar kete Fat Agresiv, dhe ne piktura pasqyrohet gjithmone feminiliteti i tyre, pra vazhdojne te konsiderohen "dans sa peau"), apo femra te cilat nuk i perkisnin klasave te pasura te cilat arriten te spikateshin si "agresive" dhe "rrevolucionare" te sistemit ku jetonin, natyrisht ne kete rast menyra e shkollimit dhe intelektualizmit te tyre (rruga qe ato ndoqen per nje gje te tille) nuk ishte e njejte me ate te intelektualeve aristokrate te cilat nuk e kishin aq te nevojshme ekstravagantizmin e tyre ne nivel rrebelizmi aq ekstrem. Po ne kete kontekst, keto gra rrebele me prejardhje nga shtresa jo aristokratike te larta te cilat iu bashkuan nivelit intelektual dhe "forces" burrerore, do te kishin edhe nje paraqitje dhe sjellje me te mashkullorizuar se sa homologet e tyre aristokrate, duke filluar qe nga veshja, menyra e sjelljes, rrethet e frekuentuara dhe konduktimi i jetes se tyre. Gjithashtu keto homologe aristokrate ne krahasim me pjesen tjeter te femrave aristokrate do te ishin me "rrebele".
Ndoshta kjo tablo e paraqitur me lart do te na mund te shpjegoje me mire persene e ketij agresiviteti te pranishem ne Portretin Femeror te eres se saj te Intelektualizmit te "Lire" dhe "Lirise" se saj te Integrimit Profesional.
Ne jeten e perditeshme edhe ne sheullin e XXI ekziston shprehja "te qenurit femer". Eshte pikerisht ky perkufizimi i pa perkufizuar dhe as definitizuar per permbajtjen reale te tij i cili mund te shihet edhe si nje "faktor" shpjegues i kesaj tabloje agresive. Cdo perkufizim apo definitizim ka korpusin e tij, ndersa ky Jo. Mungesa e korpusit te ketij perkufizimi i cili gjate evolucionit te rrevolucionit social human, do te duhej te ndryshonte ne permbajtje, eshte nje mungese e pikes orientuese te formimit human mbi dallimin dhe mos dallimin ndermjet gjinive per kohe te ndryshme.
Une jo me kot permenda "Luften brenda Llojit" ne shkrimin e meparshem. Ne se ndaj nje personi (qofte femer apo mashkull) do te rritet agresiviteti atehere ai do te shfaqet me agresiv: ky eshte instikti i mbijeteses, ç'ka do te çoje ne nje mbingarkese psikologjike dhe fizike me te larte e cila natyrisht do te ndikoje ne fizikun e personit (shkaku i deseksualizimit te Kostances, qe ne kohen tone do te quhej : homoseksualizem).
Duke qene se ne shkrimin tim te meparshem jam fokusuar ne parametrimin Gjinor te intelektualeve dhe Jo intelektualeve ne karriere te cilet kane jete private normale pra te pa ndikuar nga faktori i punes, me poshte do te deshiroj te perqendrohem ne fenomenin e Deseksualizimit .
- Eshte e çuditeshme se si asnje nuk i eshte referuar "Luftes brenda llojit" dhe mungeses se formimit (edukimit) te femijeve mbi kete lloj "lufte" per te shpjeguar Homoseksualizimin. Fakti qe shumica e homoseksualeve jane meshkuj tregon se prirjen me te larte per deseksualizim e kane meshkujt dhe se femrat jane me te "forta". Edhe kjo "fortesi" e ka shpjegimin e vete ashtu sikurse edhe fenomeni i deseksualizimit. Menyra klasike e ndertimit te raporteve ndergjindore aktuale eshte e tille qe e perkufizuar nga nje burre i martuar :"Mua me komandon gruaja dhe une komandoj te tjeret". Ne se ketij fakti i shtohet edhe "Lufta brenda llojit" e femrave , do te mund te kuptojme me lehte persene e rritjes se agresivitetit Te Hapur ndaj femres (jo se huk ka ekzistuar edhe me pare : luftrat jane shembull klasik per nje ekzistence te tille).
- Mbijetesa ne kohen moderne kishte si faktor vendimtar Arsimimin dhe jo Shpaten:
por jo te gjithe jane intelektuale te mire sa per te perballuar sistemin e konkurrences (ashtu sikurse ne kohet e mepareshme jo te gjithe ishin shpatare te mire), por se i vetmi ndryshim ishte se ne se shpataret ishin meshkuj (shume rralle femra), persona te arsimuar mund te jene po aq mire edhe femrat sa edhe meshkujt. Ashtu sikurse nje pikture shpataresh ne thelb ka vetem agresivitet ashtu edhe nje tablo femrash intelektuale ne planin intelektual ne thelb do te kete agresivitet.
- Ne fillim te shek.XX femra fitoi fokusimin mbi te jo vetem ne planin seksual (pikturat e femrave te bukura, grave et pasura, te te dashurave etj.)
por edhe ne nje plan tjeter i cili pasqyronte nje aspekt tjeter te saj (jo seksual) ate Intelektual, çka perben nje element me shme ne tablone Deseksuale te femres moderne.
- "Nje femer sa me pak e edukuar te jete aq me agresive eshte".
Ne se i shtohet edhe fakti i permendur me lart mbi "Luften brenda llojit". Nje femer intelektuale do te jete me e veshtire per "t'u nenshtruar", çka perben nje aleance te vertete ndermjet nje femre me pak intelektuale e cila do te jete me shume agresive dhe nje mashkulli. Ne kete prizem fokusimi nje femer sa me pak nivel intelekti te jete aq me shume do te priret per "aleanca" mashkullore pra me nje prirje me te larte deseskualizimi. Rasti i Konstances se "sfilitur" e verteton me se miri kete. Eshte shume interesant fakti se "Lufta brenda llojit" nuk njeh limit, as norme, as rregulla, as ligje, dhe ne ate qe eshte me e çuditeshme meshkujt ushtrojne po ate presion dhe agresivitet sa femra "agresive" ne "lufte me femren tjeter".
- nje femer intelektuale eshte nje rivale perfekte per nje femer jo te shkolluar : a mund te imagjinohet shkalla e agresivitetit te femres se pashkoluar ndaj asaj intelektuale ? Nje femer e pashkolluar qe ka vetem "diplomen e jetes" eshte e gateshme te beje çdo gje (pa njohur asnje kufi, asnje norme, asnje ligj) per te fituar Luften e saj Instiktive ndaj "tjetres". Ne se nje intelektuale ka si baze ne luften e saj inteligjencen dhe aftesine, nje e paafte Jo. E mbeshtetur nga interesi i sesksit tjeter, nje e paafte "ecen perpara" pikerisht me ato mjete qe ne gjuhen aktuale permblidhen nen termin Korrupsion.
- korrupsioni ne thelb eshte agresivitet ndaj intelektualit, qe ne rastin e femres intelektuale eshte nje pengese me shume per te dhe per shoqerine ku ajo jeton.
- gjesturika dhe sjelljet e sjella ne kete kontekst (te cilat jane te njejta biles kopjohen nga gjinia e kundert) mund te permblidhen shuem mire nen termin Homoseksuale (pra Deseksualizim).
Vetem se ne se femra Intelektuale gjendet e vetme ne luften e saj, deseksualja e vertete qe ne fakt duhet definitizuar si Biseksuale eshte femra e pa shkolluar e cila ne luften e saj ben partner edhe mashkullin me nivel intelektual me te ulet se ai i femres intelektuale, dhe te cilit natyrisht kjo lufte i intereson. Pra rrezultati final rrezulton : nje biseksuale ne pamje te jashteme Jo-e-deseksualizuar ne se vazhdon me partnerin e saj formal , apo e-deseksualizuar si ne rastin e Kostances; dhe natyrisht ne te dyja rastet nje psudo-intelektuale. Po ne kete prizem mendoj se duhet trajtuar edhe fakti i nje femre ne karriere dhe asaj e cila do t'i ofroje kete oportunitet. Vetem se pozicioni ne karriere nuk do te thote se pasqyron nivelin real intelektual.
Nga sa me siper Mungesa e nje Formimi te mirefillte moral dhe e Mos Zbatimit te normave sociale do te çojne nje nje Diseukiliber mendor dhe psikik te tille i cili do te behet shkak per agresivitet ndaj Femres Intelektuale ne se shkak principal i personit agresiv nuk eshte organik (somatik).
Uroj qe femrat intelektuale te pesojne sa me pak agresivitet ne jeten e tyre te perditeshme, qe dihet se nga kush.
E.

AIDA DESMONDY I PERGJGJET PERSERI EDI XHEMOS

E dashur Edi,

Me vjen mire qe po e vazhdon kete ‚debat’. Bashkohem me ty se do te ishte me interes qe te tjere te bashkoheshin e te pasuronin me tej kete aspekt. Me pelqen fakti qe Ju e percillni problemin e femres intelektuale nga fillimi i shekullit te XX tek ai i tanishem, c’ka rezulton se jo shume ka ndryshuar qysh prej fillimeve te “ Lirise intelektuale” te femres dhe me pelqen kendveshtrimi i “Luftes brenda Llojit” ose i Darvinizmit social. Jam e nje mendimi me ty sa i perket rebelizmit te intelektuales jo aristokrate per te ngjitur “majat” e karrieres apo per t’e hyre ne qarqe qe deri me atehere ( pa arsim) kishin qene te mbyllyra per te. Rebelizem i bashkuar sikur thoni Ju me nje agresivitet qe i perngjan shume me teper atij te te drejtuar nga mashkulli kundrejt femres, porse ai i femres kunder femres dallon dhe eshte, mendoj, teper me i dhunshem pasi ne te eshte nje ligesi dhe cmire e mire kalkulaur. C’ka ju e argumentoni mjaft mire e une nuk po persiat me tej.

Ne nje aspekt do te doja te zgjeroja: Deseksualizmi vs. Homoseksualizmit.

Sjelljet e adoptuara nga femrat t’i perngjajne gjinise se kundert Ju i perfshini nen termin Homoseksualizem dhe vendosni, nese Ju kam kuptuar drejt, shenjen e barazise me Deseksualizmin. Jane dy koncepte te kunderta. Adoptimi dhe adaptimi i gjesteve te gjinise se kundert nga femra, s’ka qellim homoseksual (nese konsiderojme qe si ne aspektin fizik ashtu dhe ne ate psiqik homoseksualizmi nuk perjashton te qenit seksual apo sensual ) por qellimi eshte ai i zhveshjes (striptizes) nga cdo aspekt i identitetit te saj biologjik si femer, apo mbrojtja sociale e identitetit te saj, duke veshur identitetin social te mashkullit, jo ate seksual c’ka do ta shnderronte ate ne homoseksuale. Ky eshte deseksualizmi projektimi i maskulinitetit ne aspektin shoqeror. Konstanca nuk eshte homoseksuale, ajo paraqitet me ftohtesine e nje mashkulli ne profesion, por nga ana tjeter eshte po aq e terhequr tek Ballantine. Ajo eshte e alienuar nga identiteti i saj dhe e shtyp kete identitet per hir te shoqerise qe te pranohet prej saj e te merret seriozisht. Pra, ajo projekton maskulinitet per hir te ketij pranimi( jo vetem Kostanca, por dhe femra te tjera intelektuale). Por duhet te jemi te kujdesshem pasi e kunderta ndodh per meshkujt, projektimi i feminitetit qofte dhe social eshte dhe fizik, c’ka rezulton ne homoseksualizem.
Duke kaluar ne shekullin tone “ lufta brenda llojit” vazhdon akoma dhe per fat te keq te qenurit femer ne nje menyre apo tjeter. Problemi sikur thoni dhe ju nuk eshte i femres intelektuale ( ne shekullin e XXI) por i asaj te pashkolluar, qe deshiron te fitoje te njejtin status sikur ajo intelektuale. Me pelqen argumenti juaj duke e sjelle ate si aleate te mashkullit, per te arritur me meskinitetin e mendjen e saj cingune pikerisht ate c’ka femra intelektuale e fiton me mund. Biseksualizmi i saj( qe ju shume mire vini ne dukje), ne aspektin social te termit, eshte teper interesant. Ajo projekton maskulinitet per te ecur perpara, por dhe feminitet varet sipas rolit qe ajo deshiron te luaje per te arritur atje ku do. Pra, nje femer e dyzuar aleate e mashkullit ne feminitetin e saj, ku ajo luan rolin tradicional te femres si objekt, dhe e deseksualizuar ose maskuline ne perpjekjet e saj per emancipim.
Nje koment te fundit rreth “luftes se llojit” dhe homoseksualizmit me respekt ne edukimin e femijeve. Ne kete aspekt lufta e llojit eshte femer vs. Mashkull, por dhe mashkull vs. Mashkull, kjo brenda kufijve te ngushte familjare. Eshte e njohur ne aspektin psikologjik, se nenshtrimi i dhunshem i meshkujve nga nena, con shpesh ne alienimin e gjinise femerore, frike karshi saj, dhe perqafimi me vone i seksit te njejte.
Njekohesisht, alienimi i femijes mashkull largesia dhe distanca fizike dhe psikologjike nga i ati rezulton shpesh ( nderkohe qe dikush mund te prese rezultat te kundert) ne kerkim te afeksionit dhe pranimit nga seksi i njejte, si deshire per te provuar apo reparuar afeksionin qe i eshte mohuar gjate rritjes. Aspekt qe meriton vemendje te vecante e nje kerkim e artikull me vete.
Me vjen mire qe po diskutojme jane tema qe duhen rrahur dhe sidomos ne shoqerine shqiptare keto tema anashkalohen.


Nje dite te mbare dhe te kerkoj ndjese qe nuk iu pergjigja me pare, por sot lexova komentin.

Cdo te mire,
Aida Dismondy

EDI XHEMO VAZHDON DEBATIN

Vazhdimi i "debatit" eshte me interes dhe i vlefshem pasi mendoj se tema e Deseksualizimit te Femres Intelektuale po behet shkak edhe per hapjen e temave te tjera si Homoseksualizimi dhe Shkaqet e tij. Do te dergoj shume shpejt nje "pergjigje" qe ne fakt do te kete synimin e nje shkrimi se sa te nje "pergjigje" ndaj Aides. Sidoqofte duhet te sqaroj se asnjehere nuk i kam vene ne te njejten ballance Deseksualizimin, Homoseksualizimin apo Biseksualizimin. Ne vartesi te kontekstit une kam vene termin qe definitizon me saktesisht termin paraardhes me shume pergjithesues.

Shkrimin do t'jua dergoj se shpejti (duke qene se kam kufizime kohore per arsye pune).
EDI XHEMO
France

Nuk ka komente: